ఏపీలో గణేష్ మండపాలకు బిగ్ రిలీఫ్.. ఉచిత కరెంట్ సరఫరా: మంత్రి నారా లోకేష్!

ఆంధ్రప్రదేశ్‌లో వినాయక చతుర్థి వేడుకలు జరుపుకుంటున్న భక్తులకు, ఉత్సవ కమిటీలకు కూటమి ప్రభుత్వం తీపి కబురు అందించింది.

రాష్ట్రవ్యాప్తంగా ఏర్పాటు చేసే గణేష్ మండపాలకు ఉచితంగా విద్యుత్ అందించనున్నట్లు మంత్రి నారా లోకేష్ సోషల్ మీడియా వేదికగా ప్రకటించారు.

ప్రజలందరూ వేడుకలను మరింత ఉత్సాహంగా, వైభవంగా జరుపుకోవాలనే ఉద్దేశంతోనే ప్రభుత్వం ఈ నిర్ణయం తీసుకున్నట్లు ఆయన పేర్కొన్నారు.

ఆ గణనాథుడి దివ్య ఆశీస్సులు ప్రతి కుటుంబంపైనా ఉండాలని, అందరికీ సంతోషం, విజయం కలగాలని లోకేష్ ఆకాంక్షించారు.ప్రభుత్వం తీసుకున్న ఈ ఉచిత విద్యుత్ నిర్ణయం పట్ల ఉత్సవ నిర్వాహకులు, ప్రజలు తీవ్ర హర్షం వ్యక్తం చేస్తున్నారు.